Tədqiqat və inkişaf
Biz tədqiqat və inkişaf istiqaməti üzrə fəaliyyətlərimizlə davamlı texnoloji innovasiya üzrə çalışırıq. Müxtəlif sahələrdən olan istedadlı kadrları bir araya gətirməklə, daima yenilənməkdə olan kosmik sənayedə mövqeyimizi möhkəmləndirməyi hədəfləyirik. Bizim yanaşmamız maraq və innovasiya mədəniyyətini inkişaf etdirən geniş təcrübə və biliyin tətbiqinə əsaslanır.
KOSMİK SİSTEMLƏRİN TƏDQİQİ
Texnoloji imkanların sərhədlərini genişləndirmək üçün apardığımız tədqiqatlar peyk sistemlərinin səmərəliliyinin, etibarlılığının və imkanlarının artırılmasına yönəlib. Biz ölkədə kosmosa əsaslanan texnologiyaların təkamülünə töhfə vermək üçün qabaqcıl həllər üzərində çalışırıq. Mexanika, elektronika və proqram mühəndisliyində ən son yenilikləri təklif edən qabaqcıl metodlar üzərində çalışdığımız bu istiqamət ölkəmizin davamlı inkişafında kosmik tədqiqatların və texnologiyanın rolunu dəstəkləmək üçün mühüm addımdır.